البسبوسة
البسبوسة
المقادير
2 كيسان معمرين بسميد مواين رقيق
كاس نواد كوكو او لوز او كاو كاو مرحي رقيق
نص كاس سكر
5 بيض
1 و نص باكي خميرة نوارة
كاس زيت
مبشور القارص او البرتقال الي عندك
طريقة التحضير
خلطي الدقيق + الخميرة+النوادكوكو+السكر+ البض و خلطي + الزاست قارص و خلطي زيدي الزيت و خلطي
جيبي سنيوتك ادهنيها بالزبدة و حطي العجينة
ادا عندك لوز افيلي حطيلها من فوق و ادا ما كاش معليش
دخليها للفرن مسخن قبل حتى تعلىى و تتعمر من فوق
كي تبرد شربيها
الشاربات
كاس و نص سكر
4 كيسان ماء
اعصري حبة قارص و خلطي الكل و حطيهم يغليو
قيس ربع ساعة و طفي النار
و كي تشربيها شوية شوية ما ترميش الشاربات كاملة و شوفي
رشيها من فوق بكاوكاو مرحي و لا نواد كوكو و بصحتكم
تعليقات
إرسال تعليق